News

News

Се одржа четвртиот годишен меѓународен семинар за професори

There are no translations available.

Во периодот од 06-08 мај 2016 година во Меморијалниот центар на холокаустот на Евреите од Македонија се одржа четвртиот годишен  меѓународен семинар за наставници и професори од основните и средните училишта во Македонија, Словенија, Србија, Босна и Херцеговина и Хрватска под наслов „ Историјата на Евреите на Балканот и дигитално раскажување приказни” во соработка со институтот за еврејска историја Центропа од Австрија. На семинарот земаа учество 42 професори.

Отворена изложбата „Сеќавањата што ме прогонуваат“ од Мати Грунберг

There are no translations available.

На 10 март 2016 година во Меморијалниот центар на холокаустот на Евреите од Македонија беше свечено отворена изложбата „Сеќавањата што ме прогонуваат“ од Мати Грумберг од Израел.

Трибина по повод 77 години од Кристалната ноќ и меѓународен ден за борба против фашизмот и антисемитизмот

There are no translations available.

Како дел од регионалната програма „Лица на отпорот на опресијата во 20 век во Европа“ на 09 ноември 2015 година во Меморијалниот центар на холокаустот на Евреите од Македонија се одржa трибина за одбележување 77 години од Кристалната ноќ. На трибината говорea претставници од Меморијалниот центар на холокаустот, Институтот за национална историја и здружението Мировна акција.

Трибината беше во организација на Меморијалниот центар на холокаустот на Евреите од Македонија и здружението „Мировна акција“ од Прилеп. Со одбележувањето на овој датум, даваме придонес кон незаборавот на овој трагичен настан од 20 век, кој мора да остане опомена за целото човештво и никогаш повеќе да не се повтори.

Истовремено одбележување на Кристалната ноќ имаше и во Загреб, Белград, Подгорица, Љубљана и Удине во организација на организации од програмата „Лица на отпорот“.

Отворена изложбата „Нирнбершки процес - лекциите од историјата“

There are no translations available.

По повод 70 години од почeтокот на Нирнбершкиот процес на 28 октомври 2015 година во Меморијалниот центар на Холокаустот на Евреите од Македотија во се одржа свечено отворање на изложбата „Нирнбершки процес – лекциите од историјата“ во организација на Меморијалниот центар на Холокаустот на Евреите од Македонија и Амбасадата на Руската Федерација во Република Македонија.

Одржан едукативен семинар „Историски пристап на холокаустот и масовните злосторства на Балканот“

There are no translations available.

seminarВо периодот од 14 – 16 септември 2015 година во Меморијалниот центар на холокаустот на Евреите од Македонија се одржа едукативен семинар на тема „Историски пристап на холокаустот и масовните злосторства на Балканот“, наменет за професори по историја во средните училишта во Република Македонија. Семинарот беше организиран во соработка со Министерството за образование и наука во Република Македонија и Мемориал де ла Шоа од Париз, Франција. Ова е втор едукативен семинар за професори кој Меморијалниот центар на холокаустот на Евреите од Македонија го организира во соработка со Мемориал де ла Шоа од Париз, Франција, а прв што се одржа во Република Македонија. Амбасадата на Република Франција во Република Македонија, Францускиот институт во Скопје и Claims Conference беа поддржувачи на овој едукативен проект со што придонесоа за негова поуспешна реализација .

Свеченото отворање на семинарот се одржа на 14 септември, каде поздравен говор одржа г. Сафет Незири, државен советник во Министерството за образование и наука на Р. Македонија; г. Јован Теговски, Амбасадор и национален координатор за меѓународна алијанса за сеќавање на холокаустот; Н. Е. г – ѓа Кристина Алтхаузер, Амбасадор на Германија во Р. Македонија; Н. Е. г – ѓа Алуренц Ауер, Амбасадор на Франција во Р. Македонија; г. Горан Садикаријо, главен извршен директор на Меморијалниот центар на холокаустот на Евреите од Македонија и г. Бруно Бојер, директор за односи со странство во Memorial de la Shoah, од Париз, Франција.

На семинарот земаа учество 36 професори по историја од средните училишта во Република Македонија, каде ги проширија своите знаења за холокаустот, геноцидот и за масовните убиства на Балканот и имаа можност да учат од проминентни професори во оваа област како што се Јохан Чапоутот, историчар од Универзитет во Париз Сорбона; Тал Брутман, Ecole des Hautes Etudes en Sciences; доцент д-р. Иванка Додовска од Правниот факултет при Универзитетот  „Св. Кирил и Методиј“ во Скопје;  проф. д-р Томислав Дулиќ од Упсала Универзитетот; доцент д-р Мишо Докмановиќ од Правниот факултет при Универзитетот  „Св. Кирил и Методиј“ во Скопје;  доцент д-р Теон  Џинго од Институтот за национална историја; Дубравка Стојановиќ од Филозофскиот факултет  во Белград; Надеге Рагару од Ecole des Hautes Etudes en Sciences Sociales; како и Џорџ Бенсоусан од Memorial de la Shoah.

 

Page 1 of 28

  • «
  •  Start 
  •  Prev 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  Next 
  •  End 
  • »
info